Notice

  "From the Karen National Political Dialogue to ward the Political Will of the Karen National"  

  "From the Karen National Political Dialogue to establish a Federal Democratic Union"  

  • English
  • Karen
  • Myanmar

News

News

ဒွဲၣ်လိကီၢ်ဆၣ် မးထီသဝီဖိတဂၤ လဲၤဟံန့ၢ်ဝဲ သုးခိးကီၢ်ဆၢ အကျိ (၃) ခိၣ် ဒီး ဟဲက့ၤဟ့ၣ်လီၤက့ၤဝဲဆူ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) အစုပူၤ

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဟီၣ်ကဝီၤ မုၢ်တြီၢ်ကီၢ်ရ့ၣ် သုးက့ (၅) ဒွဲၣ်လိကီၢ်ဆၣ် မးထီသဝီဖိတဂၤ လဲၤဟံန့ၢ်ဝဲ သုးခိးကီၢ်ဆၢ အကျိ (၃) ခိၣ် ဒီး ဟဲက့ၤဟ့ၣ်လီၤက့ၤဝဲဆူ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) အစုပူၤ

၂၀၂၂ နံၣ်, လါအီးကထိဘၢၣ် (၁၀) သီ, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤ မုၢ်တြီၢ်ကီၢ်ရ့ၣ် သုးက့ (၅) ဒွဲၣ်လိကီၢ်ဆၣ် ဟီၣ်ကဝီၤပူၤ သုးခိးကီၢ်ဆၢ (BGF-1013) အသုး လၢဟူးဂဲၤဖဲ ဒွဲၣ်လိကီၢ်ဆၣ် ဟီၣ်ကဝီၤပူၤသ့ၣ်တဖၣ် ကွဲန့ၢ်လွဲန့ၢ်ဝဲ မးထီသဝီဖိ လၢအမံၤမ့ၢ်ဝဲ စီၤမံလ့ အဖိခွါခံဂၤ လၢကလဲၤကဲ သုးခိးကီၢ်ဆၢ အသုးအဃိ စီၤမံလ့အဖိခွါခံဂၤ နုၥ်လီၤကဲဝဲ သုးလၢသုးခိးကီၢ်ဆၢ (BGF-1013) အသုးန့ၣ်လီၤ.
သုးခိးကီၢ်ဆၢ (BGF-1013) အသုးလၢ ဟူးဂဲၤဖဲ မုၢ်တြီၢ်ကီၢ်ရ့ၣ် ဒွဲၣ်လိကီၢ်ဆၣ် ဟီၣ်ကဝီၤပူၤသ့ၣ်တဖၣ် မၤထီဒါဝဲ ဟီၣ်ခိၣ်ဖိခွဲးယၥ် အိၣ်ဝဲတပယူၥ်ဃီအဃိ စီၤမံလ့ တအဲၣ်ဒိးဝဲလၢ အဖိခွါ ကဆဲးမၤဒံးတၢ်လၢ သုးခိးကီၢ်ဆၢ အသုးအကျါအဃိ ဖဲ ၂၀၂၂ နံၣ် လါအီကူးအကတၢၢ်တနွံအပူၤ စီၤမံလ့ လဲၤဝဲဆူအဖိခွါအအိၣ် ဒီး တဲဝဲအဖိခွါခံဂၤလၢ ကဟဲက့ၤမၤသကိးက့ၤတၢ် ဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) န့ၣ်လီၤ. အဖိခွါခံဂၤ တတူၢ်လိၥ်ဝဲ အပါအတၢ်ကတိၤဘၣ်အဃိ စီၤမံလ့အိၣ်ဖဲ အဖိခွါအိၣ်အသီတဆံဘျဲၣ် ဒီး ဖဲ ၂၀၂၂ နံၣ် လါစဲပထ့ဘၢၣ် (၅) သီအနံၤ စီၤမံလ့ ဟးထီၣ်ခူသူၣ်ဝဲလၢ် အဖိခွါအိၣ်တၢ်အလီၢ် စိၥ်ဃုၥ်ဒီး သုးခိးကီၢ်ဆၢ (BGF) အကျိ (၃) ခိၣ်ဝံၤ ဖဲ ၂၀၂၂ နံၣ် လါစဲးပထ့ဘၢၣ်ထီၣ် (၇) သီအနံၤ ဟဲဟ့ၣ်လီၤဝဲကျိ (၃) ခိၣ်ဆူ မုၢ်တြီၢ်ကီၢ်ရ့ၣ် သုးက့ (၅) ဝဲၤလီၢ်ခိၣ်သ့ၣ် အစုပူၤန့ၣ်လီၤ. မုၢ်တြီၢ်ကီၢ်ရ့ၣ် သုးက့ (၅) ခိၣ်နၢ်သ့ၣ်တဖၣ် ဟ့ၣ်မၤလၤကပီၤဝဲ စီၤမံလ့ စ့ပယီၤအကလီၢ် (၄၀) ဆံ ဒီး စီၤမံလ့ အဟံၣ်ဖိဃီဖိစ့ၢ်ကီး မုၢ်တြီၢ်ကီၢ်ရ့ၣ် သုးက့ (၅) ခိၣ်နၢ်သ့ၣ်တဖၣ် ရဲၣ်ကျဲၤဆှၢဝဲလၢ တၢ်ပူၤဖျဲးအလီၢ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ပၥ်လၤပၥ်ကပီၤ ဒီး ပၥ်လုၢ်ပၥ်ပှ့ၤ စီၤမံလ့ လၢအတၢ်အဲၣ်ဘၣ်အပှၤကလုၥ် ဒီး ကဲဝဲဒိဂ့ၤတဲၥ်ဘၣ်လၢ အဂ့ၤတဂၤန့ၣ်လီၤ. ကညီဖိလၢ နုၥ်လီၤမၤတၢ်လၢ သုးခိးကီၢ်ဆၢ (BGF) အကျါသ့ၣ်တဖၣ် မ့ၢ်ဝဲပှၤလၢ ဒိးပၢလီၤအသးလၢ သုးမီၤစိရိၤအစုပူၤ လိၤလိၤအဃိ ကညီဖိလၢ နုၥ်လီၤမၤတၢ်လၢ သုးခိးကီၢ်ဆၢ (BGF) အကျါသ့ၣ်တဖၣ် မ့အဲၣ်ဒိးဟဲက့ၤနုၥ်လီၤမၤက့ၤတၢ်လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ အတၢ်တီခိၣ်ရိၣ်မဲ ဖီလၥ်တခီ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တူၢ်လိၥ်မုၥ်ဝဲ ကိးဂၤဒဲးန့ၣ်လီၤ.