Notice

  "From the Karen National Political Dialogue to ward the Political Will of the Karen National" 

  "From the Karen National Political Dialogue to establish a Federal Democratic Union" 

  • English
  • Karen
  • Myanmar

တၢ်ကစီၣ်တဖၣ်

တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဘျံးဒဝဲၢ်ကီၢ်ရ့ၣ် သုးက့ (၄) ဟီၣ်ကဝီၤ ၂၀၂၂ နံၣ် လါနိၣ်ဝ့ဘၢၣ်ထီၣ် (၁) သီအနံၤ တုၤလါနိၣ်ဝ့ဘၢၣ် (၁၆) သီအနံၤ တၢ်ဒုးကစီၣ်



၂၀၂၂ နံၣ် လါနိၣ်ဝ့ဘၢၣ် (၂၅) သီ ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဘျံးဒဝဲၢ်ကီၢ်ရ့ၣ် သုးက့ (၄) ဟီၣ်ကဝီၤပူၤ သုးမီၤစိရိၤအသုးရ့ၣ် (ခလရ-၂၂၄, ခမရ-၅၅၉, ခမရ-၅၆၀, ခမရ-၂၈၁, ခမရ-၅၅၇, ခမရ-၅၅၈, ခမရ-၅၆၁) ဒီး သုးရ့ၣ်လၢ ပတသ့ၣ်ညါဒံးအသုးရ့ၣ်နီၣ်ဂံၢ် သ့ၣ်တဖၣ် ထီၣ်ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ လၢဘျံးဒဝဲၢ်ကီၢ်ရ့ၣ် သုးက့ (၄) လၢၢ်ကဆီကီၢ်ဆၣ် သုးရ့ၣ် (၂၀၃), လၢၢ်မုၢ်လါကီၢ်ဆၣ် ဂၢၤသးသုးရ့ၣ် (၇), ကစၢၢ်ဒိၣ်ကီၢ်ဆၣ် သုးရ့ၣ် (၁၂), တနီသရံးကီၢ်ဆၣ်, လၢၢ်ဒိၣ်စိကီၢ်ဆၣ် ဒီး ထံမိၢ်ပှၢ်ဟီၣ်ကဝီၤအပူၤန့ၣ်လီၤ. ခီဖျိသုးမီၤစိရိၤအသုးရ့ၣ် သ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤအဃိ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးက့ (၄) စုဒုၣ်တီၤဖီလၥ် သုးရ့ၣ်တဖၣ် ကမျၢၢ်သုးပၥ်ဖှိၣ်ကရူၢ်သ့ၣ်တဖၣ် ဒီး သုးမီၤစိရိၤအသုးသ့ၣ်တဖၣ် အဘၢၣ်စၢၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲခဲအံၤခဲအံၤန့ၣ်လီၤ.
၂၀၂၂ နံၣ် လါနိၣ်ဝ့ဘၢၣ်ထီၣ် (၁) သီအနံၤ တုၤ လါနိၣ်ဝ့ဘၢၣ် (၁၆) သီအနံၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ် ဂၢၢ်သးကရၢ, ကမျၢၢ်သုးပၥ်ဖှိၣ်ကရူၢ် ဒီး သုးမီၤစိရိၤအသုးသ့ၣ်တဖၣ် အဘၢၣ်စၢၤ တၢ်ဒုးဖးဒိၣ်, တၢ်ဒုးဖိ ခဲလၢၥ်ကဲထီၣ်ဝဲ (၃၀) ဘျီ ဒီး သုးမီၤစိရိၤအသုး သံဝဲ (၄၈) ဂၤ ဒီး ဘၣ်ဒိဝဲ (၂၆) ဂၤန့ၣ်လီၤ. ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ် ဂၢၤသးကရၢ ဒီး ကမျၢၢ်သုးပၥ်ဖှိၣ်ကရူၢ်တဖၣ်တခီ လုၢ်ထီၣ်အသးသမူလၢ ထံကီၢ်ဒီးကလုၥ်ဂီၢ် (၂) ဂၤ ဒီး ဘၣ်ဒိဝဲ (၄) ဂၤန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဘျံးဒဝဲၢ်ကီၢ်ရ့ၣ် သုးက့ (၄) ဟီၣ်ကဝီၤပူၤ စးထီၣ် ၂၀၂၂ နံၣ်, လါယနူၤအါရံၤ ဒီး တုၤလါနိၣ်ဝ့ဘၢၣ် (၁၆) သီ လၢ (၁၀) လါ ဒီး ၁၆ သီအကတီၢ်ပူၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ် ဂၢၤသးကရၢ, ကမျၢၢ်သုးပၥ်ဖှိၣ်ကရူၢ်သ့ၣ်တဖၣ် ဒီး သုးမီၤစိရိၤအသုးသ့ၣ်တဖၣ် အဘၢၣ်စၢၤ တၢ်ဒုးဖးဒိၣ်, တၢ်ဒုးဖိ ခဲလၢၥ်ကဲထီၣ်ဝဲ (၁၂၃) ဘျီ ဒီး သုးမီၤစိရိၤအသုး သံဝဲ (၂၄၆) ဂၤဒီး ဘၣ်ဒိဝဲ (၂၃၉) ဂၤန့ၣ်လီၤ. ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ် ဂၢၤသးကရၢ ဒီး ကမျၢၢ်သုးပၥ်ဖှိၣ်ကရူၢ်တဖၣ်တခီ လုၢ်ထီၣ်အသးသမူလၢ ထံကီၢ်ဒီးကလုၥ်ဂီၢ် (၁၄) ဂၤ ဒီး ဘၣ်ဒိဝဲ (၇) ဂၤန့ၣ်လီၤ.