Notic

From the Karen National Political Dialogue to ward the Political Will of the Karen National.

From the Karen National Political Dialogue to establish a Federal Democratic Union.

From the Karen National Political Dialogue to ward the Political Will of the Karen National.


မံၤဒံၤယၤ

  •    20 MAR , 2019
  •   Admin
  •   News

ခ့ၣ်အဲၣ်ယူၣ်-ညီဒီကလုၥ်စၢဖှိၣ်ကရၢ ဝီၢ်ရ့ၣ်ကီၢ်ဆၣ်ရဲၣ်ကျဲၤမၤဝဲ ဂံၢ်ခီၣ်ထံး ထံရူၢ်ကီၢ်သဲး တၢ်မၤလိတခါလၢ ခ့ၣ်အဲၣ်ယူၣ် ပှၤမၤတၢ်ဖိတဖၣ်အဂီၢ်

ခ့ၣ်အဲၣ်ယူၣ်-ကညီဒီကလုၥ်စၢ်ဖှိၣ်ကရၢ တၢ်အိၣ် ဖှိၣ်ဖးဒိၣ် (ခီကရဲး) ၁၆ဘျီတဘျီဝံၤအလီၢ်ခံ တၢ် ပၥ်လီၤဂံၢ်ခီၣ်ထံးတၢ်ဘျၢ်ခိၣ်သ့ၣ်တဖၣ် ”တၢ်မၤ ကျဲတဖၣ်” ဒီးခါဆူညါတၢ်ဖံးတၢ်မၤသ့ၣ်တဖၣ် ခိၣ် နၢ်ဘၣ်မူဘၣ်ဒါအပတီၢ်ပတီၢ်သ့ၣ်တဖၣ် ကသ့ၣ် ညါဒီးနၢ်ပၢၢ်ဝဲအဂီၢ်ခ့ၣ်အဲၣ်ယူၣ်-ကညီဒီကလုၥ်စၢ ဖှိၣ်ကရၢဒူပျၥ်ယၥ်ကီၢ်ရ့ၣ် ”ဝီၢ်ရ့ၣ်ကီၢ်ဆၣ်တီခိၣ် ရိၣ်မဲဒီး မၤဝဲဂံၢ်ခီၣ်ထံးထံရူၢ်ကီၢ်သဲးတၢ်မၤလိတခါ န့ၣ်လီၤ. ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢပူၤ ခိၣ်နၢ်လၢအဟံးမူဒါ တပတီၢ်ဘၣ်တပတီၢ်သ့ၣ်တ ဖၣ် ဒ်သိးကသ့ၣ်ညါဘၣ်ဝဲ ခ့ၣ်အဲၣ်ယူၣ်တၢ်ဘျၢ်ခိၣ် သ့ၣ်” တၢ်ပၥ်လီၤတၢ်မၤကျဲသ့ၣ်တဖၣ်ဒီး ကသ့ ဟ့ၣ်ခီဟ့ၣ်နီၤလီၤဆူထံဖိကီၢ်ဖိတဖၣ် အအိၣ်အဂီၢ် တကးဒံးဘၣ် ဖဲတၢ်ဂဲၤလိၥ်လၢတၢ်ပတုၥ်တၢ်ခးဒီး တၢ်မုၥ်တၢ်ခုၣ်အဆၢကတီၢ် ခိၣ်နၢ်ဘၣ်မူဘၣ်ဒါတ ဖၣ်ကသ့ညါထွဲဝဲဒီး ကဆီၣ်ထွဲမၤစၢၤ တၢ်ဂဲၤလိၥ် အံၤအဂီၢ် ပပၥ်လီၤတၢ်ပညိၣ်ဒီး ပရဲၣ်ကျဲၤမၤဝဲတၢ် မၤလိတခါအံၤလီၤ. အဂ့ၢ်န့ၣ်ဝီၢ်ရ့ၣ်ကီၢ်ဆၣ်ကီၢ်ဆၣ် ခိၣ် ပဒိၣ်စီၤမီၣ်ရွ့ၣ်စံးဝဲဒၣ်န့ၣ်လီၤ. ဖဲတၢ်သိၣ်လိအ ဆၢကတီၢ်တၢ်ဂ့ၢ်ခိၣ်တီလၢ တၢ်သိၣ်လိဟ့ၣ်ခီဟ့ၣ် နီၤအီၤတဖၣ် ခိၣ်နၢ်ဘၣ်မူဘၣ်ဒါလၢ အဟဲထီၣ်တၢ် မၤလိတဖၣ်တၢၣ်ပီၣ်တဲသကိးဝဲ ခံခီယၢ်ခီန့ၣ်လီၤ. ခိၣ်နၢ်လၢ အဟဲထီၣ်တၢ်မၤလိတဖၣ် ခီဖျိအဝဲသ့ၣ် အတၢ်ဖံးတၢ်မၤအါဒီး တချုးတဒးဘၣ်အဃိ တနီၤ ဟဲထီၣ်တၢ်မၤလိတုၤ တၢ်မၤလိဝံၤတန့ၢ်ဘၣ်. ဒီးတ နီၤ ခီဖျိလၢမ့ၢ်ပှၤလၢအနုၥ်လီၤမၤတၢ်အသီ လၢတၢ် ကရၢကရိပူၤအဃိ လၢတၢ်တဲသကိးအဆၢကတီၢ် အဝဲသ့ၣ်တၢၣ်ပီၣ်တဲသကိးတၢ် ဆံးဝဲစှၤဝဲဒံးန့ၣ်လီၤ အဂ့ၢ်န့ၣ် ဝီၢ်ရ့ၣ်ကီၢ်ဆၣ်ခိၣ်တဲအါထီၣ်ဝဲဒၣ်န့ၣ်လီၤ.

လၢတၢ်မၤလိတဘျီအံၤ ဝီၢ်ရ့ၣ်ကီၢ်ဆၣ်ထီဘိကမံး တံၥ်သ့ၣ်တဖၣ် ”ဝဲၤကျိၤဝဲၤဒ့ခိၣ်နၢ်ပှၤမၤသကိးတၢ် တဖၣ်” ဒူသဝီကရူၢ်ခိၣ်တဖၣ်ဒီး သူၣ်ဘီၣ်သးစၢ် တဖၣ်ခဲလၢၥ်ဟဲထီၣ်ဝဲ ၆၀ ဂၤန့ၣ်လီၤ. တၢ်မၤလိ အံၤ တၢ်မၤအီၤစးထီၣ် လါမ့ၤ ၁၅ သီတုၤ ၂၀သီန့ၣ် လီၤ. တၢ်မၤလိတဘျီအံၤ တၢ်ဂ့ၢ်ခိၣ်သ့ၣ်လၢ တၢ် သိၣ်လိအီၤတဖၣ်မ့ၢ်ဝဲ (၁)ခ့ၣ်အဲၣ်ယူၣ်-ကညီဒီက လုၥ်စၢဖှိၣ်ကရၢ ဂံၢ်ခီၣ်ထံးတၢ်ဘျၢခိၣ်သ့ၣ် ”တၢ်မၤ ကျဲတဖၣ် (၂) ခ့ၣ်အဲၣ်ယူၣ်-ကညီဒီကလုၥ်စၢဖှိၣ် ကရၢ တၢ်သူၣ်ထီၣ် တၢ်ဘျၢခိၣ်သ့ၣ် (၃) ခ့ၣ်အဲၣ် ယူၣ်-ကညီဒီကလုၥ်စၢဖှိၣ်ကရၢ တၢ်ပၥ်လီၤခါဆူ ညါ တၢ်မၤတဖၣ် (၄) ကတီၢ်ခါတၢ်ဂဲၤလိၥ်လၢ ထံလီၢ်ကီၢ်ပူၤ တၢ်မုၥ်တၢ်ခုၣ်တၢ်အိၣ်သးတဖၣ်န့ၣ် လီၤ. တၢ်မၤလိတဘျီအံၤ ခိၣ်နၢ်လၢ အသိၣ်လိဟ့ၣ် ခီဟ့ၣ်နီၤတၢ်တဖၣ် မ့ၢ်ဝဲ ပဒိၣ်စီၤလံးစတၢၣ်” ပဒိၣ် မါခဲနဒံၣ်ဒီး သရၣ်မုၣ်နီၢ်အဲၣ်ဖီဝါသ့ၣ်တဖၣ်န့ၣ်လီၤ.